रांगता रांगता .....

रांगता रांगता कधी "रांगेत" आलो ते कळलंच नाही.
पालकांच्या आग्रहात्सव बालवाडी प्रवेशाची रांग, 
शिक्षकांच्या भीतीने लावलेली शाळेतली रांग,
मग"तिच्या"साठीची कॉलेजातली रांग,
फायली सांभाळत नोकरीसाठी रांग… 
पुढे संसारासाठीची रेशनची रांग,
याचक बनून उभे राहिलो ती देवासमोरची रांग,
मनात नसतानाही उभी राहतो ती मतदानाची रांग,
इतकंच काय पण शहरात मेलो तर चितेसाठीही रांग…. 
सवयच झाली रांगेची …रांग … रांग … आणि नुसती रांग 
घटका,दोन घटका मौजमस्ती साठी आलोय…. 
पण रांग मोडून "पोझ" देण्याचं धारिष्ट्यसुद्धा गमावलय …