"स्वप्नातली रेल्वे"

"स्वप्नातली रेल्वे"

कोकण रेल्वेच्या भरावाची माती,
आजुनव आमच्या शेतात व्हावता…
ओसाड झाली सगळी शेता,
पण आमची कधी तक्रार नसता……
कारण,"स्वप्नातली रेल्वे" आमच्या दारातसून धावता ॥ 
कोकणातल्या प्रत्येक स्टौलवर,
परप्रांतीयांची पाटी झळाकता….
आमका कधी कधी राग येता,
पण आमची कधी तक्रार नसता…
कारण,"स्वप्नातली रेल्वे" आमच्या दारातसून धावता॥
प्रकल्पग्रस्तान्का नोकरी मिळाक,
सरकारी भरतीचा "धोरण"आड येता….
मोठ्या आशेन जोतो अर्ज खरडता,
पण आमची कधी तक्रार नसता……
कारण,"स्वप्नातली रेल्वे" आमच्या दारातसून धावता ॥
प्रकल्पात घरदार गेलेल्यांका,
रस्त्या वाटेचो आजून पत्तो नाय….
शिक-खोक म्हातारो सुदा मेरे वरसूनच चलता,
पण आमची कधी तक्रार नसता…
कारण,"स्वप्नातली रेल्वे" आमच्या दारातसून धावता ॥
शेता भातात जाताना फाटकावर,
आमची अर्धीतरी इरड मोडता….
मेलो गेटमनसुदा लय रुबाब करता,
पण आमची कधी तक्रार नसता…
कारण,"स्वप्नातली रेल्वे" आमच्या दारातसून धावता ॥
रेल्वेक खय थांबो नाय,
तर खय पुरेसो कोटो नाय…
आम्ही तिकटीसुदा ब्ल्याकनेच घेतव,
पण आमची कधी तक्रार नसता……
कारण,"स्वप्नातली रेल्वे" आमच्या दारातसून धावता ॥
स्टेशन मास्तरापासून टीसी पर्यंत
जो तो आमका न्याना शिकवता….
काय इचारला तर आमकाच अडानी म्हणता ,
पण आमची कधी तक्रार नसता……
कारण,"स्वप्नातली रेल्वे" आमच्या दारातसून धावता ॥